IATA Travel Pass අත්හදා බැලීම ශ්‍රීලංකන් ගුවන් සේවය ආරම්භ කරයි

0
29

ජාත්‍යන්තර ගුවන් ප්‍රවාහන සංගමය (IATA) තෝරාගත් අංශ වෙත IATA Travel Pass යෙදුම අත්හදා බැලීම 2021 ඔක්තෝබර් 01 දින සිට ක්‍රියාත්මක කිරීමට සැලසුම් කර තිබේ. ඒ අනුව මෙම ඩිජිටල් බලපත්‍රය ක්‍රියාත්මක කරනු ලබන දකුණු ආසියානු කලාපයේ ඉදිරියෙන්ම සිටින ගුවන් සේවා අතරට ශ්‍රීලංකන් ගුවන් සේවය ද එක්වේ. ආසියාවේ වඩාත්ම පාරිභෝගික කේන්ද්‍රීය ගුවන් සේවය බවට පත් වීමේ ගුවන් සේවයේ දැක්මට අනුව මගී ගුවන් ගමන් ආරම්භවීමත් සමඟ ශ්‍රීලංකන් ගුවන් සමාගමේ තවත් ආරම්භයක් මෙමගින් සනිටුහන් වනු ඇත.

IATA සංචාරක ගමන් බලපත්‍රයේ වැඩි දියුණු කළ ඩිජිටල් සේවාව මගින් පාරිභෝගික අත්දැකීමක් සඳහා පහසුවක් එක් කෙරේ. මගීන්ට ඔවුන්ගේ ඡායාරූපය, ගමන් බලපත්‍ර තොරතුරු සහ ගුවන් ගමන් විස්තර ඇතුළත් කර ඩිජිටල් හැඳුනුම්පතක් සාදා ගත හැකිය. මෙම නව්‍ය විසඳුම මගීන්ට ආරක්ෂිත සහ පහසු සම්බන්ධතා ලබා දෙන අතර එමඟින් පාරිභෝගිකයින්ට ශ්‍රීලංකන් ගුවන් සේවයේ බාධාවකින් තොරව සංචාරක අත්දැකීමක් ද ලබා දේ. IATA Travel Pass යෙදුම ඇපල් හි iOS සහ ඇන්ඩ්‍රොයිඩ් මෙහෙයුම් පද්ධති වලින් බාගත කළ හැකිය.

ශ්‍රීලංකන් ගුවන් සමාගමේ සභාපති අශෝක් පතිරගේ මහතා සඳහන් කළේ, IATA Travel Pass යෙදුම වැනි කාලෝචිත නවෝත්පාදන ක්‍රියාවලිය හරහා මගීන්ට බාධාවකින් තොරව සංචාරක අත්දැකීමක් ලබා දීමට හැකියාව ලැබෙන බවයි. එය ක්‍රියාත්මක කරන කලාපයේ ඉදිරියෙන්ම සිටින ගුවන් සමාගමක් වීමට ශ්‍රීලංකන් ගුවන් සේවයට හැකිවීම ගැන ආඩම්බර වන බවද හෙතෙම පැවසීය. මගීන්ට තම ගමනේදී සහ ගුවන් තොටුපල තුළ සංචාරක අත්දැකීමක් ලබා දීම සඳහා දත්ත ආරක්‍ෂාව සහිත පරිශීලක-හිතකාමී මෙම යෙදුම භාවිතා කළ හැකි බවද. ” ඒ මහතා පෙන්වා දුන්හ.

තෝරාගත් අංශ වල ගුවන් ගමන් සඳහා මගීන්ට IATA සංචාරක බලපත්‍රය ලබා ගත හැකි වේ. ගුවන් ගමනට පිටත්ව යාමට පෙර මගීන්ට අදාළ රටවල ඇති COVID-19 පරීක්‍ෂණය තොරතුරු සහ රසායනාගාර සේවා හඳුනා ගත හැකිය. ඒ සඳහා යෙදුමේ ඇති ඩිජිටල් හැඳුනුම්පත සහ ගුවන් තොරතුරු භාවිතා කරමින් අදාල රසායනාගාරයේ ලියාපදිංචි විය යුතුය. ඔවුන්ගේ පරීක්ෂණ ප්‍රතිඵල මෙන්ම පියාසර කිරීමේ තහවුරු කිරීමේ තොරතුරු පහසුවෙන් යෙදුමේ දැක ගැනීමට ඔවුන්ට හැකි වේ. IATA විසින් නම් කරන ලද “Timatic” මගින් කොවිඩ් -19 පරීක්ෂණ සහ ඇතුළත් වීමේ අවශ්‍යතා පිළිබඳ පසුබිම් තොරතුරු ලබා දෙනු ඇත.

ඊට අමතරව, පිටත් වීමේදී මගීන් ඔවුන්ගේ තහවුරු කළ පරීක්‍ෂණ තත්ත්වය යෙදුම පරීක්‍ෂා කරන කාර්ය මණ්ඩලයට පෙන්විය යුතුය. වර්තමාන නියාමන අවශ්‍යතාවයන්ට අනුකූලව, මගීන් සාක්ෂි වශයෙන් සහතිකයේ පිටපතක් රැගෙන යා යුතුය. IATA සංචාරක ගමන් බලපත්‍ර යෙදුමට මගීන්ගේ තත්ත්‍වය සහ ගමනාන්ත අවශ්‍යතා මත ස්වයංක්‍රීයව පරීක්‍ෂා කිරීමට සහ එන්නත් සහතික කිරීමේ ක්‍රියාකාරිත්වය ඇතුළත් වේ.

ශ්‍රීලංකන් ගුවන් සමාගමේ ප්‍රධාන විධායක නිලධාරී විපුල ගුණතිලක මහතා ප්‍රකාශ කළේ “මගීන්ට ඔවුන් කැමති ගමනාන්ත වෙත ආපසු යාමට සැලසුම් කර ඇති විට නියාමන අවශ්‍යතා දැනගැනීමේ අභියෝගයට මුහුණ දීමට සිදු වන බවයි. “IATA Travel Pass වෙත සම්බන්ධ වීම හරහා සංචාරකයින් අතර විශ්වාසය තහවුරු කර ගැනීම අපේ අරමුණයි. අපගේ මගීන්ට සේවා වඩාත් පහසු කිරීම සඳහා සහ යෙදුමේ ඇති වරප්‍රසාද ප්‍රයෝජනයට ගැනීමට ඉඩ සැලසීම සඳහා තවත් ගුවන් ගමන් මාර්ග අපි එකතු කරමින් සිටිනවා” යැයි ඒ මහතා වැඩිදුරටත් පැවසීය.

මේ පිළිබඳව අදහස් දක්වමින් , IATA හි මෙහෙයුම්, ආරක්ෂාව සහ ආරක්ෂාව සඳහා ජ්‍යෙෂ්ඨ උප සභාපති Nick Careen මහතා මෙසේ පැවසීය. “ IATA Travel Pass ඩිජිටල් සේවා මඟින් දේශසීමා ආරක්ෂිතව නැවත විවෘත කිරීම් තොරතුරු සහ සංචාරකයින් නැවත සම්බන්ධ කිරීම සඳහා උපකාර වනු ඇත. තවද සංචාරකයින්ට මෙම ඩිජිටල් ගමන් බලපත්‍රයක් මගින් සිය ගුවන් ගමන COVID-19 අවශ්‍යතාවයන්ට අනුකූලදැයි තහවුරු කර ගැනීමට සංචාරකයින්ට උපකාරී වේ. මෙය ශ්‍රී ලංකන් සහ එහි පාරිභෝගිකයින්
සංචාරක නවීකරණයේ වැදගත් සන්ධිස්ථානයක් වනු ඇත. ”

ශ්‍රී ලංකන් ගුවන් සමාගමේ තොරතුරු තාක්‍ෂණ අංශ ප්‍රධානී චාමර පෙරේරා මහතා සඳහන් කළේ ” මෙය ශ්‍රී ලංකන් ගුවන් සේවය සමඟ පියාසර කිරීමේදී සෞඛ්‍ය සහ ආරක්‍ෂාව සඳහා ඉහළම ප්‍රමිතියකින් යුත් සම්බන්ධතා සහ ඩිජිටල් සංචාරක විසඳුම් ලබා දීමේ තවත් වැදගත් සන්ධිස්ථානයක් බවයි.

මෙම ඩිජිටල් සංචාරක ගමන් බලපත්‍රය ශ්‍රීලංකන් මාර්ග ජාලය හරහා තවත් බොහෝ නගර කරා ව්‍යාප්ත කිරීම සඳහා ශ්‍රීලංකන් ගුවන් සේවය IATA සමඟ සමීපව කටයුතු කරමින් සිටී.

ශ්‍රීලංකන් ගුවන් සේවය එහි මෙහෙයුම් වලදී පිරිසිදුකම හා සනීපාරක්ෂාව පිළිබඳ ඉහළම ප්‍රමිතීන් සහතික කිරීම සඳහා දරන උත්සාහයන් සඳහා ගුවන් මගී අත්දැකීම් සංගමය (APEX) හි SimpliFlying සෞඛ්‍ය සුරක්‍ෂිතතා “Diamond” ප්‍රමිතිය ද පසුගියදා හිමි විය.

මෙම ඩිජිටල් අත්හදා බැලීම සිදුකරන ගමනාන්ත.

• කොළඹ (CMB) – ලන්ඩන් (LHR)
• කොළඹ (CMB) – මෙල්බන් (MEL)
• ලන්ඩන් (LHR) – කොළඹ (CMB)
• මෙල්බන් (MEL) – කොළඹ (CMB)
• ඩුබායි (DXB) – කොළඹ (CMB)

LEAVE A REPLY

Please enter your comment!
Please enter your name here